میرا نام یاسر امتیاز اعوان ہے اور میں دبئی، متحدہ عرب امارات میں مقیم ہوں۔
6 ستمبر کا دن ہماری قومی تاریخ کا ایک سنہری باب ہے، یہ دن ہمیں یاد دلاتا ہے کہ کس طرح ہماری بہادر افواج اور غیور عوام نے 1965 کی جنگ میں وطن عزیز کی حفاظت کے لیے جانوں کے نذرانے پیش کیے اور اپنی جرات و قربانی کی لازوال داستانیں رقم کیں۔
یہ دن اس عہد کی تجدید ہے کہ ہم اپنے شہداء اور غازیوں کی قربانیوں کو کبھی فراموش نہیں کریں گے۔ آج ہم اپنے سب ہیروز کو دل کی گہرائیوں سے خراجِ تحسین پیش کرتے ہیں اور یہ وعدہ کرتے ہیں کہ پاکستان کی حفاظت اور سربلندی کے لیے ہمیشہ متحد اور پرعزم رہیں گے۔
جیسا کہ شاعر مشرق علامہ اقبال نے فرمایا تھا:
“افراد کے ہاتھوں میں ہے اقوام کی تقدیر،
ہر فرد ہے ملت کے مقدر کا ستارہ۔”
پاکستان زندہ باد
