لندن سے پاک میڈیا ٹی وی کے نمائندہ خصوصی اشتیاق گھمن کی رپورٹ

پاکستان ہائی کمیشن لندن میں یوم دفاع کی تقریب کا انعقاد۔
تقریب میں پاکستان کے سیلاب متاثرین کے ساتھ یکجہتی کا اظہار کیا گیا ۔
برطانیہ میں ہائی کمشنر ڈاکٹر محمد فیصل نے قومی ترانے کی دھن پر پاکستان کا جھنڈا لہرایا۔ تقریب کے دوران ہائی کمیشن کے افسران اور عملہ موجود تھے۔ کلیدی خطاب میں، برطانیہ میں پاکستان کے ہائی کمشنر ڈاکٹر محمد فیصل نے کہا کے یوم دفاع کے موقع پر ہر پاکستانی مادر وطن کے لیے اپنی وفاداری اور خدمت کے جذبے کو تازہ دم کرتا ہے۔

انہوں نے وطن عزیز کے شہداء اور بہادر بیٹوں کو شاندار خراج تحسین پیش کرتے ہوئے کہا کہ ان کی قربانیاں پاکستان کو مزید مضبوط اور مستحکم بناتے ہیں۔ ڈاکٹر فیصل نے پاکستان کے دفاع اور سلامتی کے تحفظ میں مسلح افواج کے اہم کردار پر زور دیا۔ انہوں نے کہا کے ان کی پیشہ ورانہ مہارت کو عالمی سطح پر تسلیم کیا گیا ہے، خاص طور پر کامیاب آپریشن بنیان مرصوص کے بعد جس کا اختتام معرکہ حق پر ہوا۔ ہائی کمشنر نے کہا کہ دنیا نے دیکھا کہ پاکستان نے اپنے سے حجم اور وسائل کے اعتبار سے بڑے دشمن کو شکست دی۔
تقریب کے اختتام پر پاکستان کے امن اور خوشحالی، شہداء اور ہیروز اور پاکستان میں سیلاب متاثرین کے لیے خصوصی دعا کی گئی ۔